Transcription
1
Monsieur, ainsin que le sieur de Rochefourt volloit yert monter à cheval pour vous aller faire entendre comme
2
toutes chouses se passent en ces quartiers, nous eusmes une allarme en ceste ville que les ennemys emmenoyent
3
le bestail des granges dicy aus environs, qui fut cause quil remit son voyage à ce jourd’huy quatre heures après
4
midy, daultant quil montat à cheval avec tretente [sic] sallades de la compagnye de monsieur de La Tour qui sont
5
en ceste ville attendant quilz puissent passer pour ce retirer en leurs maisons. Ilz volloyent retourner en Avignon
6
[pour aller passer par le P[iemont. Je les ay retenu en ceste ville leurs faisant donner à chacun aultant de foin
7
et avoyne, comme le taux dun archier ce monte, veu quilz sont plain de bonne vollonté pour faire service au roy et
8
au paiis. Ilz me demandent quelque aultre moyen pour vivre. Je leurs ay dit qu’au bout de laune fault le drap.
9
Ilz mont encoures prié de vous faire très instante requeste de les avoyr en recommandation entendu quilz
10
sont estrangiers et que les passaiges leurs sont bouchés et que s’ilz vous plaisoyent leurs faire donner quelque
11
argent pour vivre quilz prometroyent de demeurer, faisant service en votre gouvernement, tant que vous les
12
auriés pour agreable. Il en y a set ou neuf de leurs compaignons qui sont de la Brye, lesquelz sont despartys après
13
disné dicy pour sen aller trouver monsieur de Momperrou. Silz eussent heu quelque argent pour vivre icy, ilz neusse
14
pas layssé leurs compaignons. Il en y a encoures XX [20] sallades icy, lesquelz nen partiront quylz ne sachent sur ce
15
vostre vollonté. Je vous asseure bien monsieur que ceste ville ne peult demeurer sans cavallerye car ilz sont
16menacées de toutes pars. Il me semble qu’une bonne guarnison [barré : à G ] de cavallerye à Grayne les incommoderoit
17
grandement. Ilz ont faict semblant ceste nuict passée de volloyr abandonner Miremande, ayant desia faict
18
sourtyr leurs baguaige dehors, mays ilz ont despuis prins nouveau advis. J’envoyeray ceste nuict quinze sallades
19
batre le chemin de Lourioul pour attraper des fourrageurs et nous rappourter quelques nouvelles desditz
20
ennemys. Je vous envoye des lettres de messieurs voz frères. Jay incontinant ranvoyé leurs laquay pour les
21
rellever de peine. Vous verrés par la lettre du sieur de Chasteauneuf que à la fin ceus de Mirendoul ont faict
22
le faux bon. Je vous envoye une aultre des consulz de Vizans. Je vous asseure que si javoys mil hommes de piet
23
à mespartyr aus lieus circonvoysins, quil ne basteroit pas pour les contenter. Du moins je les mène de parolle
24
du mieus que je puis. Je salue voz bonnes graces par mes très humbles recommandations priant Notre Seigneur
25
vous donner,
26
monsieur, en très bonne sancté, longue et hereuse vye. Au Montelimar, ce XXIIe mars quatre heures après midy
27
Vostre très humble très hobeyssant filz et serviteur, Hourche
28
Jay receu la lettre quil nous a pleu mescrire du XIXe et faict tenyr les aultres qui estoyent dans le paquet. La verité est bien telle
29que les ennemys font grant cas [barré : des to ] du rancontre que les chevaus legiers eurent. Je ne doubte pas que le cappitaine Beaucham
30
ne fasse les fources des ennemys bien grandes. C’est à raison de
31
la caballe. Ceux de Marsanne font bonne guarde.